عندما تكون حياتنا مؤلمة أكثر من الموت قصة واقعية ومعبرة جداً

 دخل شاب على إمرأة 

يريد ان يخبرها بوفاة ابنها ببلجيكا :

-كيفك ياحجة؟

- الحمد لله يا إبني..

-أنا جاي عشان خبرك خبر مش حلو..

-عارفة الخبر وحسيت فيه من لما دقيت عالباب..

-شو هوي ياحجة ؟

-إبنى يلي ببلجيكا مات صح ؟

-اه يا حجة .. الله يعطيكي الصحة والبقية بحياتك..

-تفضل فوت أعملك شاي..

-شاي شو ياحجة! عم قلك إبنك مات..

-بعرف يا إبني .. 

إبني ميت من زمان .. 

بس قلي هوي كيف مات هالمرة؟

-مات هالمرة !!؟؟؟

خلَّص شغل بالليل 

وهو عم يسَكِّر المحل 

هجموا عليه حرامية بدهم يسرقوه 

وقاومهم ما قدر عليهم

و طخوه ..

-كم ملعقة سكر يا إبني؟

-رح تجننيني يا حجة !! 

بس شو يعني ميت من زمان

ما فهمتها؟ 

شو هالصبر يلي عندك وطولة البال؟

-يا إبني .. 

ما حدا بيهرب من قدره .. 

أنا عارفة إنو ابني رح يموت .. 

بس كنت عم حاول 

خليه جنبي أطول فترة ..

إبني مات من زمان 

لما تخرج من الجامعة 

وما لاقى شغل ..

ومات مرة تانية 

لما حب وحدة وكان بيحلم يتجوزها 

بس ما قدر يأمن قرض 

ليشتري شقة يعيشوا فيها 

لانه ما عندو واسطة..

ومات مرة 

لما اشتغل جرسون بمطعم 

وإجت البنت يلي كان يحبها 

مع خطيبها الغني 

ومات كمان مرة 

لما أبوه مرض 

وما قدر يدخلو  عل مستشفى 

ويجبلو دوا

وبعدها شال همي 

وهم مرضي 

وهوي ما كان معو حق فطوره ..

ومات مرة لما حبسوه 

لأنو عم يصرخ 

من وجع هالعيشة ...

ومات مرة لما ......

-بس يا حجة يرضى عليكي..

-معك خبر يا إبني .. 

آخر مرة قبل ما يسافر 

وأنا عم ودعه 

كنت حاسة انو رح يموت .. 

سألني شبك يامووو

قلتلو ما في شي 

بس ما لحقت إشبع منك يا إبني، 

قلي عالعيد رح إنزل

 ونعِّيد سوا ...

نحنا الشعب بهالبلد يا إبني 

ما بنفرح بالعيد 

منروح الصبح عالمقبرة 

ونحسد يلي فيها 

لأنهم ارتاحوا من هالعيشة ... 

المواطن العادي يا إبني 

بيرتاح لما يموت

الحياة ما حلوة إلنا..

وما مفصَلِّة على قياسنا

-والله ما بعرف 

شو بدي قلك ياحجة .. 

ع كل حال هذا شيك من صاحب الشركة 

يلي إبنك كان يشتغل عندو..

-خليهم معك، 

يابني خليون معك

صدقة عن روح ابني

وروح فتش على شب

ناوي يتغرب 

واعطيلو اياهم 

وقلو ما تحرق قلب امك 

مثل ما انحرق قلبي

قصة واقعية وبتوجع القلب فعلاً

واقع للأسف.دخل شاب على إمرأة 

يريد ان يخبرها بوفاة ابنها ببلجيكا :

-كيفك ياحجة؟

- الحمد لله يا إبني..

-أنا جاي عشان خبرك خبر مش حلو..

-عارفة الخبر وحسيت فيه من لما دقيت عالباب..

-شو هوي ياحجة ؟

-إبنى يلي ببلجيكا مات صح ؟

-اه يا حجة .. الله يعطيكي الصحة والبقية بحياتك..

-تفضل فوت أعملك شاي..

-شاي شو ياحجة! عم قلك إبنك مات..

-بعرف يا إبني .. 

إبني ميت من زمان .. 

بس قلي هوي كيف مات هالمرة؟

-مات هالمرة !!؟؟؟

خلَّص شغل بالليل 

وهو عم يسَكِّر المحل 

هجموا عليه حرامية بدهم يسرقوه 

وقاومهم ما قدر عليهم

و طخوه ..

-كم ملعقة سكر يا إبني؟

-رح تجننيني يا حجة !! 

بس شو يعني ميت من زمان

ما فهمتها؟ 

شو هالصبر يلي عندك وطولة البال؟

-يا إبني .. 

ما حدا بيهرب من قدره .. 

أنا عارفة إنو ابني رح يموت .. 

بس كنت عم حاول 

خليه جنبي أطول فترة ..

إبني مات من زمان 

لما تخرج من الجامعة 

وما لاقى شغل ..

ومات مرة تانية 

لما حب وحدة وكان بيحلم يتجوزها 

بس ما قدر يأمن قرض 

ليشتري شقة يعيشوا فيها 

لانه ما عندو واسطة..

ومات مرة 

لما اشتغل جرسون بمطعم 

وإجت البنت يلي كان يحبها 

مع خطيبها الغني 

ومات كمان مرة 

لما أبوه مرض 

وما قدر يدخلو عل مستشفى 

ويجبلو دوا

وبعدها شال همي 

وهم مرضي 

وهوي ما كان معو حق فطوره ..

ومات مرة لما حبسوه 

لأنو عم يصرخ 

من وجع هالعيشة ...

ومات مرة لما ......

-بس يا حجة يرضى عليكي..

-معك خبر يا إبني .. 

آخر مرة قبل ما يسافر 

وأنا عم ودعه 

كنت حاسة انو رح يموت .. 

سألني شبك يامووو

قلتلو ما في شي 

بس ما لحقت إشبع منك يا إبني، 

قلي عالعيد رح إنزل

 ونعِّيد سوا ...

نحنا الشعب بهالبلد يا إبني 

ما بنفرح بالعيد 

منروح الصبح عالمقبرة 

ونحسد يلي فيها 

لأنهم ارتاحوا من هالعيشة ... 

المواطن العادي يا إبني 

بيرتاح لما يموت

الحياة ما حلوة إلنا..

وما مفصَلِّة على قياسنا

-والله ما بعرف 

شو بدي قلك ياحجة .. 

ع كل حال هذا شيك من صاحب الشركة 

يلي إبنك كان يشتغل عندو..

-خليهم معك، 

يابني خليون معك

صدقة عن روح ابني

وروح فتش على شب

ناوي يتغرب 

واعطيلو اياهم 

وقلو ما تحرق قلب امك 

مثل ما انحرق قلبي

قصة واقعية وبتوجع القلب فعلاً

واقع للأسف.