من أول ما تزوجت وكنت بتمنى ربنا يرزقني بولد يحمل اسمي ويساندني...

مرّت الأيام والشهور وفجأة بسمع انو مرتي حامل ضليت ادعي انو الجنين يكون ولد وما يطلع بنت مو لشي بس كنت شايف انو اول ابن لازم يكون ولد... مشان يحمل مسؤولية ويصير سندي ويساعدني ليكبر.... وبعد كم شهر راحت مرتي تفحص وأنا معها شوي ولا الدكتور بيحكيلنا انو الجنين طلع بنت.. وجهي صار أسود وملامحي بين عليها الزعل والنكد وكأنو حدا خانقني صارو يهدوني ويحكولي لا تزعل يلي بيجي من الله منيح وإن شاء الله رح تعوضك عن الصبي....


 اليوم وبعد ٢٠ سنة صار عمري ٥٣ سنة توفت مرتي بالسرطان وأنا صرت مقعد بسبب حادث عملته.. بنتي بتدرس بالجامعة وبتشتغل بترجع ع البيت بتعملي أكل وبتغسل تيابي... رفضت مليون عريس مشان ضل معي وكل ما احكيلها يا بنتي شوفي نصيبك بتحكيلي جملة ولا بحياتي رح انساها لموت..

{ يا بابا إذا ما كان فيه خير الك ما رح يكون في خير لعيلتي}

وقتها عرفت انو الولد بيحمل اسمك بس البنت بتحمل تعبك وهمك وبتحمل معاناتك و وجعك وبتحطك ع كفوف الراحة.

البنات جنة بالأرض ما بشوفها الا يلي بقدرها.