فى أحدى الأكواخ القديمه الموجوده بجانب ضفاف النيل وفيها يجتمع الصديقين امين والسعيد حيث تعيش الجده رقيه وهي السيده العجوز والتي تعيش بمفردها داخل الكوخ القديم الذي تحيطه المياه من ثلاث جهات ويكسوه الأشجار الكثيفه والقديمه قدم الجده رقيه بيت قديم تشعر بالرعب لمجرد ان تراه.


والغريب كيف تعيش هذه العجوز الكبيره جدا فى السن بداخل هذا الكوخ المرعب بمفردها دون أن يكون معها أحد أو تتطلب المساعده من أحد. 

وكان يمر عليها امين بين الحين والآخر وهو فى طريقه لصيد الأسماك ليلا لحين دخول الظلام فطبيعة عامله ان يقوم بالصيد فى الليل.

وكان يذهب لجدته بعد صلاة العصر هووصديقه السعيدالمتهور كثيرا فى تصرفاته مما يعرضه للكثير من المصاعب.

لم يكن هذا اليوم كباقي الايام ولم يكن يعلم الصديقين انهم سوف تدفعهم الظروف لمواجهة أخطر أنواع الجن .

وصلا الصديقين الي بيت الجده والتي سوف يكون لها دورا كبير فى القصه فى انتظار قدوم الليل للعمل.

الجده:عاملين ايه يا ولاد محدش بيشوفكم غير علشان الشغل 

امين:الحمد لله يا جدتي اخبارك انتي ايه وحشتيني. 

السعيد مقاطعا امين.اخبارك يا بركه عامله ايه عاوزين نجوزك. 

الجده. الحمد لله بس بس.فيه موضوع عاوزه اكلمكم فيه يا ولاد.

امين..خير يا جده تعبانه ولا محتاجه فلوس .

الجده:الحمد لله مستوره حاعوز ايه من الدنيا تاني يا بني.

السعيد:امال ايه يا ستي حد مزعلك اموته والله.

الجد لا يا بني الناس كلها بتحبني ومحدش بيزعلني ولا انا بزعل حد.


امين ..امال بقى ايه الموضوع.

الجده..فيه قطط صغيره لسه مولوده فى الاوضه اللي جوه البيت  جنب الميه بتعمل حاجات غريبه.

امين.حاجات غريبه زي ايه يعني يا جدتي  ايه اللي حصلك  ويدور فى دماغه ايه. جدتي خرفت .

السعيد.قطط صغيره هو ده الموضوع مالهم يعني بيعملوا ايه.


الجده ،لو قلت تفكروا اني اتجننت او كبرت وخرفت  بس والله يا ولاد ده اللي حصل.


امين ..ايه اللي بيحصل قولي...

الجده..بلاش علشان خاطري خدوهم. وخلاص وبعدين حتعرفوا كل حاجه فى وقتها يا ولاد.


فجأه تظهر القطط الصغيره وكأنها تعرف انهم يتحدثون عنهم وتمر من بينهم والجميع ينظر ....نعم قطط سوداء صغيره ولكنك تشعر برعب ورهبه شديده حين تراهم ثم دخلت فى احدي المواسير البلاستك الموجوده بفناء البيت ...


وهنا قام السعيد مسرعا الي تلك الموسير والغضب يسيطر عليه وأخذ يغلق جانب من المواسير بعد أن دخلت القطط الثلاثه....

امين .حتعمل ايه يا مجنون انت.

السعيد .حولع فى القطط..

الجده .لا يا بني حرام عليك أوعى تعمل كده انت مس عارف حاجه.

امين.انت مجنون دي مجرد قطط صغيره.

السعيد .حولع فيهم واللي يحصل يحصل....

الجده دول مش قطط يا بني دول دول دول....

ولكن السعيد نفذ اللي قاله وفعلا اغلق جانب وبدء فى إشعال النار من الجانب الآخر والقطط داخل الماسوره. ولكنه لم يكن يعرف انه فتح أبواب الجحيم على الجميع...