تنمر على زوجته ولم يعجبه طبخها حتى أصبحت تأخذ منه ثمن طعامه

 تقول »

 زوجي مايحب طبخي ابدٱ ..واول مايجلس ع السفره ينتقد..ولا عمره ما أكل وهو ساكت..وانا انغثيت منه ومليت..

وفي يوم طبخت الغدا واول ماجاء من الشغل  عملت نفسي تعبانه واول ما  وصل قلت له يابو فلان تراني ماطبخت اليوم لكن جارتنا من عرفت اني تعبانه ارسلت لنا غداء.وحطيت له وهو ماغير يضرب بالخمس وياكل وهو ساكت وبعد ماخلص قال اي هذا الطبخ الحلو، ليتك تتعلمين منها بس ..

قلت له ابشر ولا يهمك..المهم رجعت وعملت نفس الشي بعد يومين واستمريت فتره ع ذا الحال..وبعدها قلت والله يابو فلان ان جارتنا مش راضيه تعلمني طريقة طبخها ..وتقول ان سر رزقها في هذا الطبخ لكن بتطبخ لك بفلوس اذا اشتهيت شي من عندها اعطني فلوس واطلب لك..بحلق عينيه شوي وبعدها قال اي والله خل ع الاقل نحط الفلوس في شي فيه فايده احسن من خرابيطك اللي مالها داعي..كتمت غيظي و انا ماغير اقول والله لاأطلع الفلوس من عيونه  هالاقشر ..وصار يعطيني الصباح قبل يروح الدوام..وانا اتفنن له كل يوم طبخه ..ونفس طبخي الاول لكن ايش اعمل مع الرجل اللي مايملي عينه شي..ّوبس يجي احط له وهو ماغير يمدح  ويلمح ان ليت عنده وحده مثلها ..وانا كل يوم ازود السعر...

والله اني حصلت من وراه خير..وبقي ع حالنا هذا وبدل ماكان ياكل بلاش وينتقد صار ياكل بفلوس ومنطم ويمدح ..

لما اشبع من الفلوس بعلمه، ولا اقولكم ماني معلمته.