في بنت بس تزعلها منك بتراضيها بكلمة حلوة ،
وعد صادق أو مجرد تشوفك حزين ومكسور خاطرك
ح تركض هيي و تراضيك.
في بنت بتجبلها الماس والدهب وما بتعبي عينها ولا قلبها وفي بنت بتشوف الوردة منك بستان.
في بنت بتنكد عليك لخوفها من خسارتك وفي بنت مش فارق معها رحت أو ضليت ،
في بنت بتتركك بنص الطريق لأتفه سبب وفي بنت بتبلش فيك طريق حياتها لمجرد إحساسها بأنك مستاهلها.
والمشكلة إنّك بتنغر ، بتفكر البنت البسيطة سهلة ومابتملي العين ،
بتتمادى بأذيتها وما بتحسب لزعلها حساب ،
بتفكر إنها يلي بترضى لدرجة ماعاد في لمشاعرها أهمية عندك،
هل بنت بس تكرهك بتكون ضيعت نص أهل الأرض يلي بالكفة التانية من الميزان ،كفة الأحبة يلي كان كل همهم يوماً ما إنت،
ضيّعت الحدا يلي بيفديك بروحو،
هيي بنت وحدة يلي قادرة تحبك بلا شروط.
0 تعليقات
شاركونا بآرائكم وتعليقاتكم