أحمد زكي بيقول وهما بيصوروا فيلم البيه البواب، وفي العمارة الي بيتصور فيها الفيلم، كان حران جداً و تعبان، فلقى دكة قدام العمارة اللي قدام موقع التصوير فقعد عليها لوحده و ولع سيجارة، شوية ووقفت عربية نزل منها راجل ومراته ومعاهم شنط سفر، فبصله كده الراجل و قاله هما كل اسبوعين يغيروا بواب ، ارمي الزفتة السيجارة دي و قوم شيل الشنط ! و فعلاً شال الشنط وطلّعها للراجل ومبانش عليه أي إشارة إنه فنان أو بيمثل، والراجل مد أيده في جيبه و اداله "جنيه و ربع" وفضل كاتب عليهم "إيراد نجاح مسبق الدفع" و شالهم في المكتبة الخاصة بيه في بيته.