أكتر شخص مطنّشك هو أكتر شخص مابدو وجودك بحياتو .

وأكتر شخص متعلق فيك، دائماً بتلاقيه جنبك .


التجاهل يعني تجاهل، والاهتمام يعني اهتمام ..


لا تعشّم حالك بمفاهيم انحطّت حنى تواسي شخص خاسر أو ترفع معنويات مُحطّم .


قالتلك بكرهك، فهي بتكرهك .. أبداً ما بتحبّك متل مو مفكر وماعم تطلع معها الكلمة .


ماعم ترد عليك، فهي مابدها تحاكيك .. مو تقلانة وعم تعمل حركات!


كترة الدقّ على القلب مابتفتح باب إلا إذا كسرتو يا صديقي! 

واعي لهي الفكرة إنت؟ 

ماشفت باب قلب مفتوح لاتدق أكتر من مرّة. 

ما انفتحلك، فإنت غير مرغوب فيك.


ماعم يفهم عليكي؟ بحياتو مارح يفهم عليكي لكن 

يا من الأول متفقين يا انسي موضوع مع الوقت منتفاهم.


زيادة الحنّية والاهتمام بتخلق الطمع ..


مبدأ اذا ماكان لإلي مارح يكون لغيري هاد آخرتُو مخدة ودموع وكحلة شاطّة، هاد الطريق آخرتُو لحن ضيق حزين.


الموضوع بسيط ومابدّو كتير تفسير:

إذا ماكان اي فهوِّ لا 


بالختام الحقيقة المرة أحسن من الكذبة الحلوة .