طرف الخيانة هي " مالينغ تسانغ " (32 سنة ) ، اتجوزت من " نيل ويليمز " (27 سنة ) سنة 2001 وعاشوا في كاليفورنيا ، كانت قصة زوج عادية والحياة كانت ماشية كويس وخلفوا ولدين " أيان " و " ديفون " لحد مافي يوم لقيت مالينغ صفحة حبيبها القديم على واحد من مواقع التواصل الاجتماعي  ، 



كانوا الاتنين بيحبوا بعض لحد ماتعرفت مالينغ على نيل وحبته واتجوزوا ، مع الوقت رجعت مالينغ لحبها القديم ورجعوا علاقتهم من تاني وبقوا يتقابلوا في السر ، مع الوقت بدء حبيبها يقولها انها لازم تسيب جوزها وتطلق وتعيش معاه لكن مالينغ كانت شايفة فكرة الطلاق والمحاكم صعبة وهتاخد وقت ففكرة في طريقة أسهل وأسرع تنهي بيها الموضوع ..


في 7/8/2007 كلمت حبيبها لساعات وبعدين خرجت تسهر مع صاحبتها ورجعت البيت في الفجر لقيت جوزها وولادها الاتنين نايمين وقتها كان أيان عنده 3 سنين وديفون 7 سنين وساعتها قررت تنفذ خطتها ، رحت غرفة الضيوف واخدت سيف الساموراي اللى كان متعلق على الحيطة في شكل ديكور ، طلعت أوضة نوم نيل وخرجت السيف وبكل أقوة نزلت بالسيف على راس نيل اللى قام مفزوع وبيصرخ من قوة الضربة وشلال الدم اللى انفجر من راسه بس منظر الدم موقفش أنيل عن خطتها انقضت على نيل زى الوحش وفضلت تضربه بالسيف أكتر من 90 طعنه في جسمه لحد مامت ، بعدها راحت أوضة أيان اللى كان نايم في هدوء وسحبت المخدة من تحت راسه وحطتها على وشه وفضلت تضغط على وشه وتكتم نفسه وهو بيتلوى تحت ايديها لحد ما مت هو كمان ، حتى قتل ابنها موقفهاش طلعت للأوضة ديفون وقعدت فوقيه وحطت المخدة فوق وشه لحد ما مات بنفس طريقة موت اخوة الاصغر ..


على الساعه 7:30 الصبح خرجت مالينغ وهدومها مليانه دم للشارع وفضلت تصرخ وتعيط في طلب المساعدة فجري عليها الجيران اللى قالت ليهم انها رجعت للبيت لقيت زوجها وولادها الاتنين مقتولين بوحشة في سرايرهم وبعدها جت الشرطة تتحق في القضية ، بالبحث اكتشفوا صندوق بلاستك في شنطة عربية مالينغ وجواه قماش ملوث بالدم نتيجة تنضيف بمصماتها من على السيف وتمسحه كويس ولكن ملحقتش تتخلص من الصندوق وكان دا الدليل على ارتكابها الجريمة ولما اتوجهت ليها التهمة والادلة مأنكرتش واعترفت بكل حاجه عملتها ..


خلال محكامتها حاول فريق الدفاع يقول انها كانت مجنونة ومكنتش تقصد تقتلهم لكن محدش اقتنع بدا لانها خططت للجريمة واتصرفت بعدها وقبلها بذكاء يثبت انها كانت عارفة بتعمل ايه كويس جدا واتهمت بقضية القتل واتحكم عليها بالاعدام ..


في 18/1/2012 اتنفذ حكم الاعدام في مالينغ ..