- بحبك 

- قصدك رح تتحملني؟

- مافهمت؟ 

- أنا كلي عيوب !

- أنتِ حلوة .

- ما حلوة أنا عصبية ومتسرعة ومرَّات بكون غبية وجبانة.  أنا بزعل وبسكت وببعد وما بعاتب، أنا صعب تفهمني وتعرف شبني لانو أنا بطلت اعرف شبني !



أنا منطفية وكئيبة وحزينة ودمي تقيل وتعبانة ، دايمًا الصداع بدمرلي يومي، بخليني قلك بكرهك وأنا ما بكرهك، مش اجتماعية ومابحب الإختلاط وبغار كتير، وبخنق إللي بيحبوني ورح أخنقك وما رح تعرف تتنفس، أنا ببكي وما بستحي من هالشي، ممكن أبكي بالشارع قدام الناس أو وأنا باكل أو وأنا بضحك حتى، رح تحسني باردة مع إني ماني هيك بس ماعندي طاقة أبدًا لأي شي عم تفهم .. أنا بطيئة وإللي بده إياني لازم يتحمل ويحاول معي مرة ومرتين وعشرة وما يزهق لإني بخاف سلم قلبي لشخص، أنا منطوية ومنعزلة وروحي ما حلوة، روحي متبهدلة حزن وكسر خاطر وخذلان

وعيوب كتير، أنا صندوق أسود مسكَّر، بترجاك ما تفتحه لإنك رح تجرب وأنا رح حاول أعطيك فرصة مشاني لإني محتاجتها يمكن كون أحسن  يمكن تكون أنتَ المختلف إللي روحي بتستناه، بس أنت رح تزهق وأنا رح أفتح صندوقي عالفاضي وما رح يجيني غير الوجع …

- خلصتي؟

- اي، رح تروح صح؟

- رح نروح!

- لحالك؟

- لحالنا!

- شيل النون!

- لأ

- ليه؟

- لإني بحبك!

- قصدك رح تتحملني؟

- ماني شايفك عبء اصلاً!