الفنان يونس شلبي قبل فرحه كان بيمر بأزمة ماديه كبيرة لانه صرف كل فلوسه عشان يتجوز لدرجة انه مكانش معاه يعمل بوفيه للمعازيم ولما صحابه في الوسط الفني سألوه فرحك امتا كان يتحرج ويقولهم انا هعمله في فندق صغير وهيبقي عائلي ومش هعزم حد ومحدش يجيلي .. في منهم اللي استغرب كلامه وبعد عنه وزعل وفي منهم اللي حس ان في حاجه غريبه لان دي مش عوايده انه يتكلم بالطريقه دي .. قبل الفرح بأيام عادل امام عرف مكان الفندق وراح اتفق مع الادارة انه هيدفع تمن الاكل والمشاريب ولو في اي مصاريف زيادة احمد ذكي واحمد بدير وحسن مصطفي هيدفعوها بس محدش يعرفه حاجه .. وفعلا يوم الفرح جه ويونس شلبي قاعد اتفاجئ بالوسط الفني كله داخل عليه وبيحضنوه وقالهم ( انتو برضو جيتو مفيش فايدة ) كان بيحضن كل واحد فيهم وفي عنيه فرحة طفل صغير كأنه بيحضن ابوه مش صاحبه ورفضو انهم يسيبوه مهما كانت الظروف، ساعتها يونس شلبي قال لعادل امام ( مين اللي عمل كل ده ياعادل ) رد عادل امام بكل خفة دم (ملكش دعوة اهم حاجه ترفع راسنا النهاردة ) خلاصة الكلام متحكمش علي حد وتقول ده صاحبي غير لما تقع لانك طول مانت واقف مش هتعرف مين بيحبك ومين مبيحبكش وعود نفسك ان كيلو الكلام بقرش وجرام الفعل بملايين